DVD 1. júní Kevin er maður sem haldinn er alvarlegri persónuleikaröskun en innra með honum búa a.m.k. 23 mismunandi persónur sem koma fram þegar þeim hentar. Þegar ein af þessum persónum rænir þremur stúlkum og lokar þær inni hefst atburðarás sem enginn getur getið sér til um hvernig fer – né hvernig hún endar!

1. júní DVD/VOD Hinn sextán ára gamli Gardner Elliot er fyrsta manneskjan sem fæðist á annarri plánetu en Jörðinni en móðir hans vissi ekki að hún væri ólétt af honum fyrr en hún var lögð af stað til Mars. Nú vill Gardner koma til Jarðar en vandamálið er að líffæri hans munu ekki þola þyngdarafl Jarðar til lengdar.

2. júní VOD Þann 15. júlí 1974 gerðist sá atburður að fréttakonan Christine Chubbuck skaut sig í höfuðið í beinni útsendingu. Hér er farið yfir hvað gerðist í raun.

9. júní VOD Þegar unnusta Caseys Stein, Juliette Marne, veikist skyndilega og í ljós kemur að hún þarf á nýjum nýrum að halda ákveður Casey að hverfa til fyrri starfa hjá glæpaforingjanum Geran til að afla peninganna sem þarf til að Juliette geti keypt og fengið grædd í sig ný nýru. En Casey er fljótlega kominn á kaf í enn verri mál en hann hefur nokkurn tíma áður þurft að glíma við.

9. júní VOD Skömmu eftir að hjónin Rana og Emad Etesami flytja inn í nýja íbúð er ráðist á Emad inni í íbúðinni og henni nauðgað. Hver er glæpamaðurinn?

9. júní VOD Fjallhressir teiknimyndaþættir um poppsöngkonurnar Kötu, Kylie og Kim sem í tónleikaferðum sínum um heiminn lenda í ótrúlegustu ævintýrum.

DVD 15. júní Fifty Shades Darker sem er gerð eftir annarri bók E.L. James um hið sérstaka ástarsamband Anastasíu Steele og Christians Grey, er beint framhald fyrstu bókarinnar og hefst aðeins nokkrum dögum eftir að henni lauk með sambandsslitum. Við þau er Christian hins vegar afar ósáttur og biðlar til Anastasíu að halda áfram að hitta sig, en nú á hennar forsendum.

15. júní DVD/VOD Nils Holgersson er latur strákur og hrekkjóttur og vondur við dýrin á bænum. Þegar dvergálfur leggur á hann álög svo hann breytist í lítinn álf sjálfur þarf hann að endurmeta viðhorf sín og læra að breyta hegðun sinni.

16. júní VOD Þegar Ila sendir óvart nestispakka eiginmanns síns á rangan mann, Saajan, hefst skondin atburðarás sem á eftir að hafa mjög óvæntar afleiðingar.

22. júní DVD/VOD Leigumorðinginn John Wick sem var neyddur aftur í slaginn í fyrstu myndinni um hann þarf nú í framhaldinu að sinna beiðni gamals félaga og takast á við stórhættulega morðingja alþjóðlegs glæpa- og njósnagengis sem hreiðrað hefur um sig í Róm.

23. júní VOD Teiknimyndaþættirnir skemmtilegu um Skógargengið hafa náð miklum vinsældum og eru nú sýndir á um 180 sjónvarpsstöðvum um allan heim.

23. júní VOD Feðgar sem starfa við krufningar reyna að átta sig á dánarorsök ungrar konu sem lögreglan fann örenda. En þetta lík er öðruvísi en öll önnur lík.

29. júní DVD/VOD Fimm ungmenni sem þekkjast ekki mikið í byrjun en eiga meira sameiginlegt en sýnist eru fyrir gráglettni örlaga leidd saman einn góðan veðurdag og komast þá að því að þau eru ný kynslóð af hinum öfluga Power Rangers-bardagahópi.

30. júní VOD Ljónið Leon sem býr á sléttum Afríku er sannarlega ekki eins og ljón eru flest og alveg sérlega óheppinn í öllu því sem hann tekur sér fyrir loppur.

30. júní VOD Hank er strandaglópur á eyðieyju og hefur misst alla von um björgun. Hann ákveður því að ljúka þessu af og hengja sig – en þá sér hann lík í fjöruborðinu!

PS4 14. febrúar For Honor hefur allt; stórkostleg sögusvið þar sem hugumprúðir riddarar, svakalegir víkingar og banvænir samúræjar berjast um yfirráðin en alvöru bardagalistamenn og stöntgæjar voru fengnir til að gæða stríðsmennina eins raunverulegum hreyfingum og hægt er. For Honor er hreint út sagt magnaður leikur!